Kandidati i lëvizjes Vetëvendosje, Shpëtim Bulliqi, është fitues i zgjedhjeve për kryetar komune në Podujevë, ndërsa Lista Serbe u rikonfirmua në Mitrovicën e Veriut.
Kandidati i subjektit kryesor politik të serbëve në Kosovë, Milan Radojeviç, siguroi gati 90 për qind të mbështetjeve. Ndërkaq, me 51.6 për qind të votave të siguruara, Vetëvendosja i dha fund kryesimit 20-vjeçar të Lidhjes Demokratike të Kosovës në Podujevë.
Gati 41 për qind e rreth 87 mijë votuesëve të komunës, morën pjesë në zgjedhje.
Pak pas shpalljes së rezultateve paraparake, para selisë së Lëvizjes Vetëvendosje në Podujevë ka nisur festa, ndërsa simpatizantët e kësaj
partie u dëgjuan duke kënduar dhe duke thirrur emrin e liderit Albin Kurti. Ky i fundit tha para turmës se zgjedhjet e së dielës në Podujevë ishin një
referendum. (A2 Televizion)
A2 CNN Livestream
MUND TE LEXONI GJITHASHTU
