1200 fëmijë të moshave nga 6 deri në 15 vjeç janë përfitues të një programi të financuar nga Ambasada Zviceriane në Tiranë dhe sektori privat, i cili promovon sportin e tenisit, si një formë e shëndetshme aktiviteti fizik për të luftuar obezitetin.
Në bashkëpunim me Shoqatën Tenis
Tirana dhe Bashkinë e Tiranës, projekti po vihet në zbatim në 3 shkolla të
kryeqytetit. Në këtë kuadër, në ambientet e shkollës “Dora d’Istria”, Ambasada
e Zvicrës, Bashkia Tiranë dhe Shoqata Tenis Tirana organizuan aktivitetin
“Fëmijë të shëndetshëm nëpërmjet sportit”, me pjesëmarrjen e ambasadorit të
Zvicrës, zoti Adrian Maître dhe kryetarit të Bashkisë, Erion Veliaj.
Pjesë e rëndësishme e këtij aktiviteti ishte edhe
një videomesazh surprizë nga kampioni botëror i tenisit Roger Federer, dërguar
posaçërisht për të apasionuarit e tenisit dhe fëmijët shqiptarë.
Ishte vetë ambasadori Maître ai
që e njoftoi mesazhin surprizë të Federerit, i cili me lojën e tij të
jashtëzakonshme dominoi sportin e tenisit në shekullin XXI.
Me 20 fitore Grand Slam, Roger Federer mban
rekordin për më shumë fitore në historinë e tenisit.
Në fund të aktivitetit të zhvilluar në kryeqytet, ambasadori Maître dhe kryetari Veliaj shpërndanë certifikatat për fëmijët pjesëmarrës në program. (A2 Televizion)
A2 CNN Livestream
MUND TE LEXONI GJITHASHTU
