Ministri i Brendshëm, Sandër Lleshaj, ka zhvilluar një takim këtë të mërkurë me ambasadoren e re amerikane në Tiranë, Yuri Kim.
Në një postim në Twitter, Lleshaj shkruan se është diskutuar për nevojën e një faze të re në luftën kundër krimit të organizuar dhe trafiqeve.
“Ndamë vlerësime të njëjta për nevojën e një faze të re në luftën kundër krimit të organizuar dhe trafiqeve, për rolin e pazëvendësueshëm të Policisë së Shtetit për suksesin e reformës në drejtësi, për projekte të reja bashkëpunimi me SHBA, për thellim të partneritetit mes institucioneve të sigurisë nga të dyja vendet dhe për çështje të tjera me rëndësi.
SHBA vijojnë të jenë partneri ynë i madh strategjik, përherë në krah dhe në mbështetje të përparimit të gjithanshëm të vendit tonë”, shkruan Lleshaj. (A2 Televizion)
A2 CNN Livestream
MUND TE LEXONI GJITHASHTU
