Gazetari Armand Bajrami ka kaluar disa orë me efektivët e Ushtrisë, të vendosur në Tiranë për të siguruar respektimin e masave të miratuara për frenimin e përhapjes së koronavirusit në vend.
Të stërvitur për të qenë në situata lufte, dhe shpesh pjesë e misioneve jashtë vendit, këtë herë, thonë ata, armiku është krejt i ndryshëm.
“Është një situata komplet tjetër nga ajo luftarake, kjo është një luftë asimetrike, ku armikun as nuk mund ta shohim, as taktikat, as formën në të cilën shfaqet. Pra është një luftë me diçka të padukshme”, thotë Hekuran Budani, toger, komandant i operacionit.
Sa i përket sjelljes së qytetarëve, dhe respektimit të rekomandimeve, Budani shpjegon se qëllimi i patrullimeve të Ushtrisë nuk është marrja e masave shtrënguese, por vetëm sensibilizimi për atë që po bëhet. “Prania e ushtrisë, përtej autoritetit që uniforma imponon, apo përtej pamjes së “frikshme” të mjeteve të blinduara, njerëzit e kanë mirëpritur, pasi pjesa më e madhe janë të ndërgjegjshëm për seriozitetin e situatës”, tregon ai.
Bashkëpunimi me Policinë e Shtetit duket se po funksionin, sipas Budanit, pasi prova e parë për këtë ishte situata e kirjuar pas tërmetit të 26 nëntorit. (A2 Televizion)
A2 CNN Livestream
MUND TE LEXONI GJITHASHTU
