Makina inteligjente e Policisë Rrugore është zhvendosur në Durrës që prej mbrëmjes së 5 nëntorit për të monitoruar qarkullimin e automjeteve në disa rrugë të brendshme të qytetit, si dhe në dalje e në hyrje të këtij qyteti.
Me anë të një deklarate, policia ka bërë të ditur se në një periudhë kaq të shkurtër, janë konstatuar 746 shkelje për shpejtësi mbi normat e lejuara, shpejtësi që në qytet kanë arritur deri në 90 km/h.
Nga verifikimet ka rezultuar se:
•112 prej tyre janë konstatuar në shkelje të trefishtë: shpejtësi, përdorim të celularit dhe mosvendosje të rripit të sigurimit;
•58 drejtues të tjerë për shpejtësi, për të cilët është vendosur edhe sanksioni plotësues pezullim i lejes së drejtimit, pasi shpejtësitë varionin nga 70 km/h deri në 90 km/h në rrugët e brendshme të qytetit të Durrësit;
•54 drejtues janë konstatuar me shpejtësi dhe pa vendosur rripin e sigurimit. (A2 Televizion)
A2 CNN Livestream
MUND TE LEXONI GJITHASHTU
