Policia e Tiranës njofton se ka arrestuar një tjetër person për vrasjen e biznesmenit 43-vjeçar Ruzhdi Hoxha, trupi i të cilit u gropos më pas në zonën e Qafë Mollës në malin e Dajtit.
Në vijim të veprimeve hetimore u bë ndalimi i shtetasit Pajtim Rrushi 42 vjeç, vëllai i autorit të dyshuar të vrasjes Ferdinand Rrushi, për veprat penale “Veprime që pengojne zbulimin e të vërtetës” dhe “ Fshehje ose asgjësim i kufomës“, i dyshuar si bashkëpunëtor në ngjarje.
Dyshimet e para për vrasjen e biznesmenit 43-vjeçar Ruzhdi Hoxha bien mbi Ferdinand Rrushin, mik i viktimës.
Të dhënat paraprake ngrenë dyshime se Ferdinand Rrushi është njëri prej autorëve të ngjarjes, ndërsa në automjet kanë qenë edhe 2 persona të tjerë, të cilët zbritën nga makina, para se të arrinin pas malit të Dajtit, ku u gjet edhe trupi i pajetë.
Nga ekspertiza paraprake rezulton se shtetasi Ruzhdi Hoxha është vrarë me armë zjarri. (A2 Televizion)
A2 CNN Livestream
MUND TE LEXONI GJITHASHTU
