Mandati i ri, Rama: Prioritet, thyerja e trendit negativ të largimeve në raport me kthimet në Atdhe

Pas renditjes së arritjeve të mandatit të dytë, kryeministri Edi Rama listoi dhe një nga prioritetet kryesore të qeverisë së ardhshme.

Edi Rama u shpreh se prioritetet i prioriteteve i mandatit të ardhshëm do të jetë kthimi i trendit negativ të largimeve në raport me kthimet në atdhe.

“Është fare e qartë se qoftë zhvillimi dhe qoftë arritjet as nuk i kanë ulur dhe as i ulin kërkesat e ankesat e njerëzve, të cilët kudo qofshin do të kërkojnë më shumë pasi mundësitë janë reale. Në e kemi provuar këtë prandaj do vazhdojmë ta provojmë këtë pavarësisht se kërkesat apo ankesat nuk do të mbarojnë, por do të rriten. Ndërkohë që kthimi i trendit negativ të largimeve në raport me kthimet në atdhe duhet të jetë prioritet i prioriteteve i Shqipërisë së 2030”, u shpreh Rama. (A2 Televizion)