Kufiri detar, çështja çame dhe të drejtat e emigrantët shqiptarë, pengojnë zhvillimin e marrëdhënieve optimale mes Shqipërisë dhe Greqisë.
Në një studimin të bërë nga Instituti Shqiptar i Studimeve Ndërkombëtare, rezulton se për të disatin vit radhazi perceptimi i qytetarëve për marrëdhënien dypalëshe nuk kalon pragun e normalitetit.
Për kryetaren e Komisionit për Politikat e Jashtme, Mimi Kodheli, marrëdhënia bilaterale është në një frymë shumë pozitive, por cilëson ligjin e luftës si një ngërç të panevojshëm.
“Ligji i luftës mbahet për çështje që i dimë, çështje pronash dhe interesash të ngushta. Por padyshim që duhet të ulemi dhe të diskutojmë, në një mënyrë që të përfitojmë të dyja palët. Delimitimi i detit, është një shembull i mirë”, tha Kodheli.
Por, krejt i ndryshëm është perceptimi kryetarit të Partisë Bashkimi për të Drejtat e Njeriut, Vangjel Dules, i cili ankohet për qasjen e qeverisë ndaj minoritetit grek në vitet e fundit.
Sipas Dules, shteti grek ka rritur standardin e trajtimit të komunitetit shqiptar në Greqi, ndërsa e kundërta ka ndodhur me minoritetin grek në Shqipëri. (A2 Televizion)
A2 CNN Livestream
MUND TE LEXONI GJITHASHTU
