Një person i maskuar si një oficer policie vrau 16 persona në Kanada ditën e diel, në një masakër që zgjati rreth 12 orë, ku autori shkonte dhe i qëllonte viktimat në shtëpitë e tyre dhe më pas iu vinte flakën.
Autoritetet raportojnë se kjo është një nga ngjarjet më të rënda në historinë e vendit dhe informojnë se autori i vrasjeve u ekzekutua nga policia.
Trupat e disa personave u gjetën brenda dhe në oborr të banesave të tyra në qytetin e vogël rural të Portapique, rreth 90 kilometra në veri të Halifax. Mes viktimave është dhe një oficere policie.
Sipas policisë, autori i vrasjeve Gabriel Wortman, një 51-vjeçar me profesion dentist i ka shënjestruar viktimat e para dhe më pas ka qëlluar njerëz të rastësishëm.
Masakra e Wortman zgjati rreth 12 orë ndërsa ai vinte përqark Nova Scotias me uniformë dhe makinë policie duke qëlluar njerëzit. (A2 Televizion)
A2 CNN Livestream
MUND TE LEXONI GJITHASHTU
