Ndonëse me mungesa të shumta Paris Saint Germain i ka dhënë një leksion të vërtetë futbolli Barcelonës në fushën e saj në fazën e 1/8 të Champions League duke fituar me rezultatin 1-4.
Ishin pa yllin brazilian Neymar dhe argjentinasin Di Maria, por Kylian Mbappe mori rolin e drejtuesit dhe shënoi 3 herë në portën e katalanasve.
Vendasit kaluan të parët në avantazh me një penallti të Messit në minutën e 27. 5 minuta më vonë vjen goli i parë i Mbappe që barazon rezultatin.
20 minuta nga fillimi i pjesës së dytë vjen dhe goli tjetër për Mbappe. Katalanasit ishin të pafuqishëm dhe lanë shumë hapësira në mbrojtje, gjë që u shfrytëzua nga Kean që çoi shifrat në 1-3.
Pak para përfundimit të kohës së rregullt, një kundërsulm i miqve solli dhe golin e katërt për francezët dhe të 3-in personal të Mbappe që erdhi me një goditje nga jashtë zonës.
Në ndeshjen tjetër të kësaj mbrëmje Liverpool fitoi 0-2 ndaj Leipzig në një ndeshje që u luajt në Hungari.
Me këto rezultate Liverpool dhe PSG janë me një këmbë në çerekfinale të kompeticionit më të rëndësishëm për klube. (A2 Televizion)
A2 CNN Livestream
MUND TE LEXONI GJITHASHTU
