Partia Demokratike ka denoncuar këtë të diel situatën e mbetjeve mjedisore në Kavajë. Në një deklaratë për mediat nga Golemi, Andi Lila shprehet se kjo është kthyer në një bombë mjedisore që rrezikojnë shëndetin e qytetarëve.
“Situata e mbetjeve në Kavajë është kthyer në një bombë mjedisore që rrezikojnë shëndetin e qytetarëve. Pamjet që shohim, që shoqërojnë përditshmërinë e qytetarëve dhe turistëve, nuk janë vetëm prdukt i paaftësisë së pushteti vendor dhe i qeverisë.
Fakteqësisht, ajo që qytetarët e Kavajës dhe Durrësit po përjetojnë është një skemë kriminale që po ndërtohet duke dëmtuar shëndetin e qytetarëve me qëllim pasurimin e klientëve të Edi Ramës”.
Sipas tij plehrat po lihen me qëllim jashtë kontrollit, për të nxitur një krizë dhe për të çuar para te mafia e inceneratorëve. Ai kërkon nga SPAK që të veprojë urgjentisht, përpara se pasojat për ambientin dhe shëndetin e njerëzve të jenë të parikuperushme.
“Për të çuar para te mafia e inceneratorëve, plehrat po lihen me qëllim jashtë kontrollit, për të nxitur një krizë dhe pastaj për të ofruar një zgjedhje nga ata që e prodhuan këtë krizë.
Pra duke kërcënuar shëndetin e qytetarëve, po i detyrojnë të pranojnë një zgjedhje shumë më të shtrenjtë për menaxhimin e plehrave.
Kjo lojë me shëndetin e qytetarëve, vetëm për përfitimet e mafies së inceneratorëve, është e papranueshme dhe kriminale.
Ne i kërkojmë SPAK-ut të veprojë urgjentisht, përpara se pasojat për ambientin dhe shëndetin e njerëzve të jenë të parikuperushme”. (A2 Televizion)
A2 CNN Livestream
MUND TE LEXONI GJITHASHTU
