Kreu i Partisë Demokratike, Lulzim Basha ka reaguar në rrjetet sociale pas përfundimit të mbledhjes së Këshillit të Sigurisë Kombëtare, të thërritur nga Presidenti i Republikës Ilir Meta.
Lulzim Basha bën me dije se kërkoi në këtë mbledhje rritjen e testimeve për qytetarët si dhe mbështetje për familjet dhe bizneset në nevojë.
Sipas kreut të Selisë Blu të gjitha energjitë e qeverisë duhet të shkojnë për të lehtësuar krizën dhe jo për sulme politike.
“Në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira. Njerëzit duan garanci për jetën, shëndetin dhe mirëqenien e tyre. Ky është angazhimi im dhe i opozitës. Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme”, shkruan Lulzim Basha. (A2 Televizion)
A2 CNN Livestream
MUND TE LEXONI GJITHASHTU
