Për të dytën ditë radhazi, Spanja regjistron më pak se 300 viktima nga koronavirusi. Sipas të dhënave të publikuara të premten nga Ministria e Shëndetësisë, në 24 orë kanë humbur jetën 281 vetë, për një total prej 24 mijë e 824 viktimash.
Ndërsa vendi ka hyrë në fazën e parë të planit prej 4 fazash për rihapjen e jetës ekonomike e sociale, shifrat shtojnë optimizmin. Mbi 115 mijë vetë e kanë fituar deri më tani betejën ndaj Covid-19 ndërsa një spital i improvizuar gjatë pikut të pandemisë në Madrid, u mbyll.
Edhe nga Italia, vijnë të dhëna shpresëdhënëse. Numri i viktimave ishte në rënie, ndërsa 285 persona humbën jetën në 24 orë. Gjithashtu rastet e reja ishin më pak sesa në ditët paraardhëse, me 1800 të infektuar të rinj. Rekord numri i të shëruarave, pasi në një ditë, 4600 rezultuan të çliruar nga virusi vdekjeprurës. (A2 Televizion)
A2 CNN Livestream
MUND TE LEXONI GJITHASHTU
