Drejtori i një shkolle është arrestuar nga policia pasi merrte para për të lëshuar dëftesa false të shkollës së mesme, duke përdorur një vulë të falsifikuar.
Në pranga përfundoi 54-vjeçari me inicialet GJ.K., drejtor i shkollës 9-vjeçare në fshatin Hot i Ri në Shkodër. Gjithashtu, u arrestua edhe një shtetas tjetër, bashkëpunëtor i 54-vjeçarit, pasi u kap në tentativë për të shitur dëftesën false.
Policia sekuestroi edhe 26 dokumente shkollore të paplotësuara, por të pajisura me vulën e shkollës së mesme, vula e shkollës 9-vjeçare, 5 USB, 1 celular dhe shuma parash të përfituara nga kjo veprimtari kriminale.
-Gj. K., 54 vjeç, banues në Shkodër, me detyrë Drejtor i shkollës 9-vjeçare në fshatin Hot i Ri, për veprat penale “Shpërdorimi i detyrës”, “Falsifikimi i dokumenteve” dhe “Pastrimi i produkteve të veprës penale ose veprimtarisë kriminale”;
-Gj. F., 66 vjeç, banues në Shkodër, për veprat penale “Falsifikimi i dokumenteve”, “Pastrimi i produkteve të veprës penale ose veprimtarisë kriminale” dhe “Ushtrimi i ndikimit të paligjshëm ndaj personave që ushtrojnë funksione publike”.
Policia e Shkodrës
Nga veprimet hetimore të kryera në kuadër të këtij operacioni, dyshohet se këta shtetas bashkëpunonin me njëri-tjetrin, për të falsifikuar dëftesa, duke përdorur vulën e falsifikuar të shkollës së mesme në fshatin Breg Lumi, dhe për të pajisur me këto dëftesa, shtetas të ndryshëm, kundrejt përfitimeve monetare. (A2 Televizion)
A2 CNN Livestream
MUND TE LEXONI GJITHASHTU
