Java e gjashtë e Serisë A nisi me përballjen Spezia-Milan, të cilën kuqezinjtë e fituan jo pa vështirësi.
Pas një pjese të parë që u mbyll në barazim pa gola dhe me Spezian më të rrezikshme, pjesa e dytë nisi në mënyrën perfekte për ekipin e drejtuar nga Stefano Pioli. Një krosim i Kalulut nga e djathta u dërgua në rrjetë nga Daniel Maldini, i cili debutimin e tij si titullar me Milanin e kurorëzoi me një gol të bukur me kokë.
Në përpjekje për të barazuar rezultatin, trajneri i vendasve aktivizoi edhe Rey Manajn, i cili luajti 25 minuta. Në minutën e 80 Verde barazoi, pasi goditja e tij u devijua nga Tonali, duke nxjerrë jashtë loje portierin Maignan.
Menjëherë, Pioli futi në lojë Brahim Diaz dhe spanjolli ia shpërbleu me golin e fitores në minutën e 87.
Me këtë fitore, Milan ngjitet përkohësisht në krye të Serisë A, me 16 pikë, në pritje të ndeshjes që Napoli do të luajë ndaj Cagliari. (A2 Televizion)
A2 CNN Livestream
MUND TE LEXONI GJITHASHTU
