Edhe pse po vuan prej javësh në Serie A, Milani ka arritur të fitojë minimalisht 1-0 ndaj Tottenham në ndeshjen e parë me eliminim direkt të Champions League, me një gol të realizuar nga spanjolli Diaz.
Hernandez ishte nismëtar i këtij goli teksa u shkëput në të majtë, ndërsa goditi në drejtim të portës, por u ndal nga portieri. Topi i kthyer përfundoi në këmbët e shtatshkurtrit spanjoll, i cili fillimisht goditi me këmbë, ndërsa më pas me kokë e dërgoi topin në rrjetë.
Më tej, ndeshja ishte thuajse e barabartë deri në fundin e takimit, kur kuqezinjtë patën dy raste të arta për shënim me anë të De Ketelaere e më pas me Thiaw.
Tashmë për të mësuar skuadrën e kualifikuar në çerekfinale të Champions League nga ky çift do të duhet të presim edhe 90 minutat që do të luhen më 8 mars në Angli.
Në ndeshjen tjetër të kësaj të marte, Bayern arriti të triumfojë 0-1 në transfertë ndaj PSG-së. (A2 Televizion)
A2 CNN Livestream
MUND TE LEXONI GJITHASHTU
