Marash Kumbulla mbetet në qendër të vëmendjes në ditët e fundit të merkatos në Itali. Tashmë, është Napoli klubi që kërkon më së shumti shërbimet e mbrojtësit kuqezi, madje mediat në Itali bëjnë me dije se akordi është shumë pranë.
Të kaltrit kanë prezantuar ofertën e tyre prej 20 milion eurosh plus bonuset, që nëse do të finalizohet, do ta kthejnë Kumbullën në futbollistin shqiptar më të shtrenjtë të të gjitha kohërave.
Shifrat kënaqin edhe klubin e Hellas Veronas që janë gati të lënë të lirë 19-vjeçarin në fundin e sezonit. Kalimi i Kumbullës tek Napoli do ta kthente prapavijën e skuadrës së Gennaro Gatusso në një mbrojtje tërësish shqiptare së bashku me kapitenin Hysaj dhe Amir Rrahmanin që iu bashkua skuadrës vetëm pak ditë më parë. (A2 Televizion)
A2 CNN Livestream
MUND TE LEXONI GJITHASHTU
