Është ndarë nga jeta në moshën 68-vjeçare profesori Maksim Cikuli.
Profesor Maksim Cikuli dha kontributin e tij të veçantë si mjek dhe pedagog i gjenetikës. Ai është themeluesi i shërbimit të vetëm kombëtar të gjenetikës në Shqipëri, ndërsa si politikan, ai shërbeu në poste të rëndësishme në qeveritë e Partisë Demokratike.
I lindur në Korçë në vitin 1952, profesori Cikuli shërbeu si Ministër i Shëndetësisë dhe i Mbrojtjes së Mjedisit.
Ai ka qenë pjesë e forumeve drejtuese të PD-së që prej vitit 1994, si anëtar i kryesisë së PD-së, anëtar i Këshillit Kombëtar dhe dy herë deputet në legjislaturën e viteve 1996 dhe atë të vitit 2001. Prof. Maksim Cikuli njihet si përfaqësues i nderuar i elitës qytetare dhe intelektuale të Tiranës, një zë i moderuar, që punoi me ndershmëri dhe mbrojti parimet e njeriut të lirë. (A2 Televizion)
A2 CNN Livestream
MUND TE LEXONI GJITHASHTU
