Aktorja britanike Barbara Windsor, e cila bëri famë në vitet 1960 në komeditë popullore Carry On, ka vdekur në moshën 83-vjeçare.
E cilësuar si një thesar kombëtar në Mbretërinë e Bashkuar, ajo fitoi njohje mbarëkombëtare për rolet e saj shpesh të rrezikshme në nëntë nga seritë e filmave Carry On.
Por, në vitet e mëvonshme ajo ishte e njohur për rolin e saj në telenovelën Eastenders, në të cilën ajo luajti Peggy Mitchell, pronarin e pubit dhe nënën e djemve të këqij në TV Phil dhe Grant Mitchell.
Aktorja shtatshkurtër, vetëm 1.47 metra e gjatë, kishte një pjesëmarrje të jashtëzakonshme në ekran, skenë dhe film, e famshme për të qeshurën e saj dhe theksin londinez “Cockney”.
Windsor u diagnostikua me sëmundjen Alzheimer në 2014. Ajo u bë ambasadore për Shoqatën Alzheimer, duke u takuar me kryeministrin e Mbretërisë së Bashkuar Boris Johnson në 2019 për të promovuar kujdesin ndaj sëmundjes.
Ajo u shfaq për herë të fundit në Eastenders në 2016 dhe në të njëjtin vit mori titullin Damë për shërbimet e saj për bamirësi dhe argëtim. (A2 Televizion)
A2 CNN Livestream
MUND TE LEXONI GJITHASHTU
