Avokati Plarent Ndreca, i ftuar në emisionin Debat, bëri një vlerësim të qasjes së Komisionit Hetimor për Inceneratorët, por e cilësoi si jo profesional drejtimin e Jorida Tabakut.
"Një nga gjerat pozitive të këtij Komisioni është fakti që janë marrë si dëshmitarë të gjithë autoritetet që komisioni ka vlerësuar si të rëndësishëm, por opozita nuk e ka nivelin e profesionalizmit që kërkon ky proces, por që kërkon edhe publiku, veçanërisht për drejtimin e zonjës Tabaku", deklaroi ai.
Pra e ndihmon SPAK ky hetim? “Këtë nuk di ta them me siguri, por di të them që Komisioni Hetimor ka përbërje politike, por asnjë institucion i shtetit shqiptar nuk mund të shkojë jashtë procesit të rregullt ligjor, dhe nuk mund të dalin në përfundime pa këtë proces. Intimidimi i dëshmitarëve, epitetet fyese, është prishje e hetimit parlamentar dhe ndoshta edhe të atij penal”, tha Ndreca.
Për sa i përket çështjes konkrete të impianteve, Ndreca deklaroi se “Elbasani ka përfunduar brenda afateve, i bërë me paratë e privatit të financuar sigurisht nga shteti, është në punë dhe funksionon, ai i Fierit është ndërtuar por nuk është kolauduar, është si të themi që një pallat është përfunduar, ka marrë çelësin dhe jeton, por nuk kë marrë certifikatën e pronësisë. Në këtë procedurë Komisioni ka nxjerrë problematika, në nivel të administratës, pra procedura ka patur probleme si në çdo procedurë ku punojnë njerëz”. (A2 Televizion)
A2 CNN Livestream
MUND TE LEXONI GJITHASHTU
