Partia Demokratike ka prezantuar planin e saj kundër korrupsionit qeveritar dhe parave e pasurive të vjedhura nga njerëzit me pushtet.
Sipas PD-së, hapi i parë do të jetë “miratimi i një pakete ligjore radikale kundër krimit dhe korrupsionit qeveritar” dhe “hetimi i korrupsionit të niveleve të larta”.
Hapi i dytë ka të bëjë me “hetimin dhe ndëshkimin e veprimtarisë kriminale të qeverisë për prokurimet dhe licensimet publike”, ku prioritet do të kenë “hetimi i mashtrimeve me kontratat dhe fondet publike”, “hetimi pa asnjë përjashtim i kontratave koncesionare dhe “hetimi i pasurive të çdokujt që është përfshirë në hartimin, miratimin dhe përfitimin e kontratave koncesionare, nga juristi i thjeshtë i tek kryeministri”.
Në njoftimin e PD-së thuhet se “hetimi do të përqendrohet tek paraja”, duke saktësuar se “do të ndjekë, gjurmojë dhe zbulojë origjinën e parave të përdorura” dhe “do të zbulojë destinacionin e parave të marra nga buxheti”.
Në hapin e tretë, do të bëhet i mundur “rikuperimi i pasurive të vjedhura përmes kontratave dhe koncesioneve publike”.
“Paratë që u janë vjedhur shqiptarëve dhe kanë përfunduar në llogari bankare apo janë investuar kudo nëpër botë do të zbulohen dhe do t’u kthehen shqiptarëve”, premton Partia Demokratike. (A2 Televizion)
A2 CNN Livestream
MUND TE LEXONI GJITHASHTU
