Mario Balotelli dle nga një eksperiencë vërtetë negative me ekipin e qytetit ku është rritur, Brescia. I pritur si hero, sulmuesi tashmë 29 vjeçar në vend që të ishte në kulmin e karrierës së tij, nga performancat e fundit duket sikur është gati për të varur këpucët në gozhdë.
Por pas Interit, Manchester City, Milanit dhe Liverpulit, një tjetër gjigant i futbollit duket sikur ka vënë bast mbi të, për ta rikthyer në “Supermarion“ e disa viteve më parë, kur ishte shpresa më e madhe e futbollit italian.
Por për të bërë këtë, Mario duhet të ndryshojë kontinent, sepse ekipi i interesuar është pikërisht Boca Juniors. Miti i futbollit argjentinas po shikon gjithmonë e më shumë për emra të njohur të Serie A, edhe pas eksperiencës jo shumë të mirë me Daniele De Rossi, dhe i ka bërë ofertë konkrete Balotellit.
Në ndryshim me ish-kapitenin e Romës, Balotelli do të luante në stadiumin “Bonbonera” ende në një moshë të re, dhe ndoshta do të mjaftonin vetëm stimuj të ri për ta rikthyer idhull të tifozëve. (A2 Televizion)
A2 CNN Livestream
MUND TE LEXONI GJITHASHTU
