Shifra kontradiktore në Itali, sa i përket bilancit të koronavirusit. Numri i tamponëve ditën e sotme ishte shumë më i ulët se në ditët paraardhëse, 59 879, dhe si pasojë ka rënë edhe numri i të infektuarve, që sot ishin 8913 nga 10 407 të ditës së djeshme.
Gjithsesi, raporti testime/raste pozitive ka pësuar rritje, duke shkuar në 14.88%. Viktimat e deklaruara janë 305, në rritje nga 261 të ditës së kaluar.
Rajoni më i goditur është sërish Veneto me 3337 raste, pothuajse një rast i veçantë nga mesatarja italiane e këtyre ditëve, e ndjekur nga Emilja Romanja me 1283 dhe Lacio me 977, ndërkohë që Lombardia, dikur problematike, është stabilizuar me 466 raste.
Ndërkohë, sot filloi edhe për Italinë i ashtuquajturi “Vaccine Day”, ku nga ora 7 e mëngjesit filloi vaksinimi me vaksinën e prodhuar nga kompania Pfizer. Janë 9750 totali i vaksinave që kanë mbërritur dhe do t’u injektohen kryesisht personelit mjekësor, ndërkohë që vaksinimi i mirë do të fillojë gjatë javës.
Për autoritetet shëndetësore italiane, “bëhet fjalë për një ditë historike, por do të vijojnë masat e distancimit social. Do të vaksinojmë 70% të popullsisë brenda verës, me një mesatare rreth 140 mijë vaksina në ditë, por kjo nuk do të thotë që gjithçka ka përfunduar”. (A2 Televizion)
A2 CNN Livestream
MUND TE LEXONI GJITHASHTU
