Emigrantët përveç peshës ekonomike që po mbajnë duke ndihmuar të afërmit e tyre në vendin tonë, duket se po kontribuojnë edhe në rritjen e numrit të lindjeve.
Në qytetin e Kukësit, ndërsa lindjet e çifteve që jetojnë në vend, pakësohen nga viti në vit, emigrantët kuksianë që jetojnë jashtë vendit duket se po shtojnë nga viti në vit numrin e lindjeve të reja.
Sipas ekspertëve, kjo provon faktin që kushtet ekonomike dhe sociale për lindjet e reja janë më të favorshme për emigrantët qe jetojnë jashtë vendit.
Sakaq, në Kukës edhe ato çifte që kanë mbetur nga viti në vit po shtojnë numrin e divorceve.
Sipas përfaqësuesve ligjore një tjetër fenomen që po ndikon në shtimin e divorceve përveç gjendjes social-ekonomike dhe dhunës, është edhe largimi i kryefamiljarit për një periudhë të gjatë kohore.
Vitet e fundit rënia e popullsisë në bashkinë e Kukësit përllogaritet mesatarisht në 2 për qind në vit. (A2 Televizion)
A2 CNN Livestream
MUND TE LEXONI GJITHASHTU
