Kryeministri izraelit Benjamin Netanyahu zhvilloi një vizitë sekrete në Arabinë Saudite, të dielën, për të takuar Princin e Kurorës Mohammed bin Salman dhe Sekretarin e Shtetit të SHBA-së, Mike Pompeo, raportojnë mediat izraelite.
Të dhënat për fluturimin sekret thonë se një avion biznesi i përdorur më parë nga Netanyahu udhëtoi në qytetin Neom, ku Princi dhe Pompeo zhvilluan bisedime, por nuk pati asnjë konfirmim zyrtar.
Do të ishte takimi i parë i njohur midis udhëheqësve të armiqve historikë, për të cilët SHBA-ja dëshiron të normalizojnë marrëdhëniet.
Presidenti Donald Trump kohët e fundit ka ndërmjetësuar marrëveshje për krijimin e marrëdhënieve diplomatike midis Izraelit dhe Emirateve të Bashkuara Arabe, Bahreinit dhe Sudanit.
Arabia Saudite i mirëpriti me kujdes lëvizjet, por ka treguar se nuk do të ndiqte shembullin derisa të kishte një marrëveshje paqeje midis Izraelit dhe Palestinës. (A2 Televizion)
A2 CNN Livestream
MUND TE LEXONI GJITHASHTU
