Ministria e Infrastrukturës dhe Energjisë njoftoi se nga data 23 mars 2020, ndërpriten të gjitha fluturimet në aeroportin e Rinasit, përveç kompanisë Air Albania që vazhdon të fluturojë për dhe nga Stambolli.
“Në përpjekje për të parandaluar përhapjen e koronavirusit (COVID-19), sipas njoftimit të Autoritetit të Aviacionit Civil duke filluar nga data 23 mars 2020, ndërpriten të gjitha fluturimet për dhe nga Aeroporti Ndërkombëtar i Tiranës deri në një njoftim të dytë. Vetëm Air Albania do të vazhdojë fluturimin për dhe nga Stambolli”, njoftoi Ministria.
“Aeroporti mbetet i hapur për të gjitha fluturimet humanitare, fluturimet e riatdhesimit, fluturimet e ngarkesës së mallrave dhe çdo fluturim tjetër që i shërben lehtësimit dhe kapërcimit të kësaj sfide të madhe për të gjithë ne”, tha Shefi i Përgjithshëm Ekzekutiv i Aeroportit Ndërkombëtar të Tiranës, Dr. Constantin von Alvensleben. (A2 Televizion)
A2 CNN Livestream
MUND TE LEXONI GJITHASHTU
