1913 – Lindi në Dhërmi Petro Marko, shkrimtar, arsimtar, publicist, gazetar. Krijimi i parë i tij daton shumë herët, qysh në vitin 1930. Pas këtij viti deri sa mbyll sytë, ai shkruan pothuajse në të gjitha gjinitë letrare, që nga poezia e deri tek dramaturgjia. 
1915 – Lindi Augusto Pinochet, diktator dhe gjeneral kilian, i cili me anë të grushtit të shtetit u bë presidenti i Kilit, gjatë viteve 1973-1990. 
1918 – Vojvodina, dikur territor i perandorisë austro-hungareze, shpall shkëputjen nga Austro-Hungaria, për t’u bashkuar me Mbretërinë e Serbisë. 
1936 – Në Berlin, Gjermania dhe Japonia nënshkruajnë Paktin e Anti-Kominternit, duke rënë dakord që të konsultohen për të mbrojtur interesat e tyre të përbashkëta, në rastin e një sulmi të paprovokuar nga ana e Bashkimi Sovjetik. Ky pakt u përtëri të njëjtën ditë 5 vjet më vonë, ku u përfshinë edhe vende të tjera. 
1945 – Lindi në Tiranë Ibrahim Madhi, violinist dhe pedagog, një ndër figurat më të rëndësishme të muzikës dhe artit të interpretimit shqiptar. 
1963 – Presidenti John F. Kennedy përcillet në banesën e fundit, në Varrezat Kombëtare në Arlington, Virxhinia. 
1991 – U nda nga jeta, si pasojë e bronkopneumonisë, kur ishte vetëm 45 vjeç, Freddie Mercury, këngëtar britanik, lideri I grupi të rrokut Queen. 
1999 – Shpallet Dita Botërore për Eliminimin e Dhunës ndaj Grave, për të përkujtuar vrasjen e tre motrave Mirabal për qëndresën e tyre kundër diktaturës së Rafael Trujillos në Republikën Domenikane.
Kalendari historik, 25 nëntor. (A2 Televizion)
