Sporti ukrainas vazhdon të mbrohet nga pushtimi rus, jo vetëm me mesazhe në evente të ndryshme sportive, por edhe në linjën e parë të luftës.
Rasti më i ri është ai i tenistit Alexander Dolgopolov, i cili është kthyer në Kiev për të kontribuar në ushtrinë e vendit të tij.
“Kur nisi lufta, unë isha në Turqi. Aty nisa të stërvitesha, pasi kisha fatin që njihja një ushtar të vjetër, i cili më mësoi armët. U stërvita një javë, e di që nuk jam bërë Rambo për 7 ditë, por i përdor armët mirë dhe mund të godas në kokë, 3 herë në 5 tentativa, nga 25 metra”, tregon tenisti në një postim në Instagram.
Më tej, ai premton se do të qëndrojë në Kiev derisa Ukraina të dalë fitimtare, ndërsa thekson se nuk e ka problem të vrasë ushtarët rusë: “Nuk e vras mendjen fare për faktin që mund t’i marr dikujt jetën, pas asaj që ka ndodhur në vendin tim”.
33-vjeçari ka arritur vendin e 13 në renditjen botërore të tenisit, në vitin 2013, dhe ka fituar 3 tituj ATP në karrierë. Gjithashtu, ka arritur të mposhtë në dy raste spanjollin Rafael Nadal, tenistin me më shumë tituj Grand Slam në histori. (A2 Televizion)
A2 CNN Livestream
MUND TE LEXONI GJITHASHTU
