1358 – Themelohet Republika e Dubrovnikut, e cila kulmin tregtar e arriti në shekujt e 15 – 16, nën protektoratin e Perandorisë Osmane, para se të pushtohej nga Perandoria franceze e Napolonit në vitin 1808. 
1871 – Jeni bëhet monedha zyrtare e Japonisë. 
1917 – U lind në Shkodër, Prenk Jakova, arsimtar, muzikant, kompozitor dhe autori i operës së parë shqiptare titulluar “Mrika”. 
1941 – Forcat qeveritare rumune, aleate të Gjermanisë naziste, ndërmorën një nga masakrat më të rënda në historinë e hebrenjve në qytetin e Iasi, duke rezultuar në vrasjen e të paktën 13 266 hebrenjve. 
1950 – OKB-ja u kërkon vendeve anëtare për të ndihmuar Korenë e Jugut nga sulmi komunist koreano-verior. 
1954 – Në Kupën e botës në futboll ndeshja çerekfinale mes Hungarisë dhe Brazilit, parashikuar të ishte plot emocione, shndërrohet në plot akte dhune, me tre lojtarë të nxjerrë jashtë loje dhe me përleshje që vazhduan pas ndeshjes. 
1967 – Përdoret për herë të parë në Londër, sporteli i automatizuar për tërheqjen e parave. 
1974 – Presidenti amerikan Richard Nixon viziton Bashkimin Sovjetik. 
1980 – Në SHBA diplomohet e para grua nga akademia e policisë së shtetit. Gjatë vjeshtës së vitit 1979, Policia e Shtetit New Jersey nisi një program eksperimental për të rekrutuar, zgjedhur dhe trajnuar si police, një klasë vetëm me gra. Në qershor të vitit 1980, gjithë klasa prej 30 studentesh policie, u diplomua. 
2007 – Tony Blair i dorëzon mbretëreshës së Anglisë dorëheqjen e tij, si kryeministër i vendit. 
2008 – Bill Gates largohet nga drejtimi Microsoft Corporation, duke ia lënë vendin e tij Steve Ballmer.
Kalendari historik, 27 qershor. (A2 Televizion)
A2 CNN Livestream
MUND TE LEXONI GJITHASHTU
