1811 – Një zjarr në një teatër në Richmond, shkakton vdekjen e guvernatorit George William Smith dhe të presidentit të Bankës së Parë Kombëtare të Virxhinias, Abrahamit B. Venable, të cilët ndodheshin në teatër për të parë një shfaqje. 
1799 – Katër mijë vetë përcjellin funeralin e Xhorxh Uashingtonit, “i pari në luftë, i pari në paqe, i pari në zemrat e amerikanëve”, siç tha atë ditë ligjvënësi Henry Lee. Ai kryesoi Kuvendin që hartoi Kushtetutën, krijoi traditën e dorëzimit dhe kalimit paqësor të pushtetit, nuk pranoi për të shërbyer për një mandat të tretë si president dhe ia dorëzoi detyrën nënpresidentit John Adams. 
1941 – I liruar nga internimi në Francë, me ndihmën e Konsullit amerikan, Kosta Çekrezi kthehet në Boston, ku themelon organizatën Shqipëria e Lirë. Çekrezi u zgjodh kryetar i komitetit të organizatës Shqipëria e Lirë, e cila kishte edhe gazetën e saj të përjavshme “Liria”, e cila vazhdoi të botohej deri në fund të viteve 1980. 
1982 – Për herë të parë, Njeriu i Vitit në revistën amerikane TIME ishte jo njeri. Ky titull nderi iu dha Kompjuterit “për ndikimin e madh për mirë a keq në jetën njerëzore.” 
1985 – Natyralistja amerikane 53-vjeçarja Dian Fossey gjendet e vdekur në Ruandë. Autorët dhe motivet e vrasjes nuk dihen. Dian njihet për punën e saj studimore mes gorillave në zonat malore të Afrikës qendrore, për të kuptuar sjelljet e tyre. E shqetësuar ndaj kërcënimit që gorrillat ndjeheshin si pasojë e gjuetisë dhe kontrabandës së kafshëve, më 1983, Dian Fossey shkroi librin “Gorillas in the Mist”, në të cilin bazohet edhe filmi me të njëjtin titull.
Kalendari historik, 26 dhjetor. (A2 Televizion)
A2 CNN Livestream
MUND TE LEXONI GJITHASHTU
