Ashtu siç ishte paralajmëruar prej disa muajsh, Ukraina ka nisur kundërofensivën e saj në lindje të vendit për të rimarrë kontrollin e territoreve të pushtuara nga ushtria ruse.
Lajmi për nisjen e këtij sulmi gjigant ushtarak konfirmohet nga autoritetet ushtarake të Kievit zyrtar, por edhe nga mediat ndërkombëtare.
Aktualisht, raportohet se përleshje të ashpra po zhvillohen në rajonin e Orichova në Zaporizhzhia, ku sipas ministrisë ukrainase të Mbrojtjes, forcat armike ruse janë duke u përpjekur të ruajnë pozicionet.
Luftime po zhvillohen dhe në Velika Novosilka, në drejtim të Novopalivsk, në rajonin e Donetsk.
Sipas zv/ministres ukrainase, Hana Maliri, trupat ukrainase deri në këto momente kanë avancuar deri në 1 km në territorin që më herët kontrollohej nga ana e rusëve.
Në anën tjetër, Kremlini zyrtar mohon se po përballet më vështirësi në frontin e luftës. Sipas zyrtarëve më të lartë ushtarakë, forcat ruse zmbrapsën një sulm në Zaporizhzhia dhe vranë 350 ushtarë të Kievit dhe shkatërruan 30 tanke. (A2 Televizion)
A2 CNN Livestream
MUND TE LEXONI GJITHASHTU
