Kina ka dëbuar 3 gazetarë amerikanë, në vendimin e parë kundër mediave të huaja në më shumë se 3 dekada. Ministria e jashtme e Pekinit tha se revokimi i kredencialeve për 3 reporterët e Wall Street Journal erdhi pas publikimit të opinionit të titulluar: “Kina është i sëmuri i vërtetë i Azisë”.
“Redaktorët përdorën një titull diskriminimi racor, duke ngjallur indinjatën dhe zemërimin e popullit të Kinës dhe komunitetit ndërkombëtar”, tha zëdhënësi i ministrisë së jashtme, Geng Shuang.
Vendimi është dënuar nga media amerikane, Wall Street Journal, që e konsideron përpjekje për censurim të fjalës së lirë.
Gjithashtu autoritetet e Pekinit kanë vështirësuar procedurat për marrjen e vizave për mediat e huaja, për shkak të raportimeve me kritika të shumta për qeverinë komuniste për menaxhimin e epidemisë së koronavirusit. (A2 Televizion)
A2 CNN Livestream
MUND TE LEXONI GJITHASHTU
