Një anije cisternë me karburant u përfshi nga flakët pas shpërthimit të një mine detare në lindje të Hormuzit. Këtë e raporton Marina e Gardës Revolucionare të Iranit, duke shtuar se mjeti lundrues po operonte në një zonë të sigurt.
Cisterna kishte çaktivizuar sistemet e saj të identifikimit, ashtu si edhe anijet e tjera me karburant, të cilat, sipas Gardës, gjithashtu kishin hasur në mina dhe kishin marrë zjarr në ditët e kaluara.
Forcat e Teheranit, me këtë rast, përsëritën se Ngushtica e Hormuzit është e rrezikshme dhe e mbyllur për lundrim për ato mjete që kërkojnë të kalojnë pa koordinim.
Një episod shumë i rrezikshëm raportohet në kufirin mes Turqisë dhe Iranit. Ministria e Mbrojtjes në Ankara njoftoi se një ushtar ishte vrarë më 31 tetor, si pasojë e një arme të shkrepur në territorin e Iranit. Teherani ka hapur një hetim lidhur me incidentin.
Ushtari, sipas ministrisë turke, po ndërhynte për të penguar kalimin e paligjshëm të disa personave, kur është qëlluar për vdekje.
Ndërkohë, në Teheran është mbajtur një manifestim, i cili përfundoi me djegien e një posteri gjigant që paraqiste presidentin amerikan, Donald Trump, dhe kryeministrin izraelit, Benjamin Netanyahu. Gjatë tubimit, pjesëmarrësit ironizuan me disfatat elektorale të tyre.
(A2 Televizion)
A2 CNN Livestream
MUND TE LEXONI GJITHASHTU
