Ka një “mister” në pakënaqësinë e kryeministrit Edi Rama mbi sistemin e drejtësisë, në veçanti ndaj SPAK, sipas kryeredaktorit te BIRN Besart Likmeta.
“Duket e qartë se ai është i pakënaqur ndaj SPAK, është e paqartë pse është i pakënaqur. Deri kur SPAR filloi hetimet, edhe për shkak të kallëzimeve të opozitës, Rama ishte i kënaqur dhe e mbështeste. Kjo qetësi nuk e mbështet më. Sjellja e Ramës kujton një tregim amerikan i shkrimtarit Washington Irwing ku një personazh pi alkool dhe zgjohet pas 10 vjetësh, humb revolucionin amerikan dhe kujton ende se është mëkëmbësi i mbretit. Rama kujton se është ende në opozitë, mendon se PD nuk ka një dekadë skandalesh për korrupsion dhe lidhje me krimin e organizuar”.
Sipas tij, ka një dizekuilibër midis rasteve të gjykuar nga kryeministri. “Kujtoj që ish-ministri i Brendshëm i PS ndodhet brenda një qelie, i akuzuar se ka mbështetur trafikuan e narkotikeve duke e shndërruar Shqipërinë në një vend famëkeq në këtë aspekt, dhe për të cilin Rama në kohën e arrestimit ka thënë se nuk ka prova. Përdoret një kut për non-grata opozitës por për ish-kryebashkiakët e PS, ministra etj, nuk kemi dëgjuar thirrje. Pra ky është presion ndaj zotit Kraja, dhe janë ata që duhet të na shpjegojnë për çfarë bëhet fjalë”.
Për Likmetën. “Non-grata janë nga të gjitha palët. Nuk ka pasur mungesë informacioni. Në Shqipëri nuk kishte gjyqtarë të akuzuar, pastaj pas vettingut pamë që shërbimet sekrete kishin informacion për qindra prokurorë dhe gjyqtarë të lidhur me krimin e organizuar, që promovoheshin qoftë nga Berisha dhe nga Rama”.
Analiza e Likmetës u kundërshtua nga deputeti i PS, Arben Pëllumbi, i cili akuzoi gazetarin për akuza të denja për një aktivist të opozitës, jo për një gazetar. “Ne qëndrimin tonë e kemi të hapur. Ne nuk mbrojmë askënd, i japim mundësi të gjithëve të promovohen, por në rast se është shkelur ligji nuk i bëjmë avokatin askujt, diçka që nuk njihej më parë në politikën shqiptare”, u përgjigj ai në emisionin “Debat”. (A2 Televizion)
A2 CNN Livestream
MUND TE LEXONI GJITHASHTU
