Paketa Anti-KÇK, në Kuvend akti normativ dhe ndryshimet ligjore

Në Kuvend nis diskutimi i aktit normativ dhe ndryshimeve ligjore në kuadër të paketës Anti-KCK.

Diskutimet nisin pas pak në Komisionin parlamentar të Sigurisë me aktin normativ ''Për masat parandaluese në kuadër të forcimit të luftës kundër terrorizmit, krimit të organizuar, krimeve të rënda dhe konsolidimit të rendit e sigurisë publike''.

Pas mesditës në Komisionin e çështjeve ligjore shqyrtohen shtesat ne ligjin “Për administrimin e pasurive të sekuestruara”. 

Me paketën Anti-KÇK i është dhënë policisë edhe e drejta të përgjojë pa autorizimin e prokurorit, çfarë ka shkaktuar reagime në politikë dhe në organizatat për mbrojtjen e të drejtave të njeriut. Paketa pritet të votohet në Parlament me 5 mars. (A2 Televizion)