Pamjet e frikshme në rally, kampioni i botës shpëton mrekullisht në Monte Karlo

Momente frike në Monte Karlo për kampionin e botës të rally, estonezin Otty Tanak.  

Piloti së bashku me ndihmësin e tij Martin Jarveoja  po përballonin etapën e parë të kampionatit të botës, çmimin e madh të Monte Karlos, kur në një kthesë makina  e tij Hyundai i20, me të cilën në fakt po debuton pas triumfit e vitit të kaluar me Toyota, doli jashtë rruge.   

Pamjet janë vërtetë të frikshme, sepse automjeti duket sikur bie në humnerë, por fatmirësisht poshtë ndodhej një rrugë tjetër ku mjeti u përplas me rreth 120 kilometra në orë.

Makinat rally janë të pajisura me elementët e sigurisë më të lartë, gjë që mundësoi shpëtimin e dy pilotëve, që dolën nga mjeti i shkatërruar pa dëmtime serioze, të gatshëm ndoshta edhe për garën e radhës. (A2 Televizion)