Pandemia ka ndalur çdo gjë, por jo ata që ikin nga lufta dhe përndjekjet, Turqia destinacioni kryesor

“Gjatë pandemisë, gjithçka ka ndalur, përfshirë ekonomitë, por luftërat, konfliktet, dhuna, diskriminimi dhe persekutimi kanë vazhduar”. Kjo është fjalia e trishtë që përmbyll raportin Global Trends të Unhcr, agjencisë të OKB-së për refugjatët.

Shumë shpëtojnë në vendet kufitare, por ka edhe të tjerë që spostohen brenda vendit, siç ndodh në vende si Etiopia, Sudani, Afganistani dhe Kolumbia.

Rikthimi në shtëpitë e tyre po shndërrohet gjithnjë e më shumë në një mision të pamundur. Vetëm 34 mijë të tillë kanë pranuar të fillojnë një jetë të re po në vendin nga ku dikur u larguan.  

Vendet e origjinës së emigrantëve në botë janë kryesisht Siria (6.7 milion Venezuela (4 milionë), Afganistan ( 2.6 milionë), Sudani i Jugut (2.2 milionë) dhe Myanmar (1.1 milion).

Ndërkohë, destinacioni kryesor i tyre mbetet për të shtatin vit radhazi Turqia, që pret 3.7 milionë refugjatë, i ndjekur nga Kolumbia, që pret 1.7 venezuelas, Pakistani (1.4 milion), Uganda (1.4 milion) dhe Gjermania (1.4 milion).

Sipas OKB-së, janë 82 milionë personat që në botë i kanë ikur persekutimeve dhe luftërave, 3 milionë më shumë se viti 2019, i cili në vetvete cilësohej si rekord. Ballafaqimet me dekadën e mëparshme janë të pamëshirshme, në tregimin e përkeqësimit të situatës, nga momenti që shifrat janë pothuajse dyfishuar.

Duke shkuar edhe më në thellësi, 42% e këtyre personave kanë më pak se 18 vjeç. Disa prej tyre nuk njohin asgjë përtej kampeve të refugjatëve. Nga viti 2018 deri më sot, janë më shumë se 1 milion fëmijët e lindur me statusin e refugjatit. (A2 Televizion)