Një avion korean ka dalë nga pista teksa ulej në Aeroportin Ndërkombëtar të Cebu në Filipine, duke shkaktuar lëndime të lehta te disa pasagjerë dhe duke detyruar aeroportin e dytë më të ngarkuar të vendit të mbyllet përkohësisht.
Lajmi është raportuar nga autoritetet vendase. Të gjithë 173 pasagjerët dhe ekuipazhi në bordin e fluturimit Korean Air KE631 nga Incheon u evakuuan në mënyrë të sigurt pasi avioni, një Airbus A330, doli nga pista, tha Autoriteti Përgjegjës i Aviacionit Civil të Filipineve (CAAP).
Aeroporti do të jetë i mbyllur deri në mesnatë dhe autoritetet po punojnë për të rifilluar fluturimet në të njëjtën ditë.
“Shpresojmë të jemi në gjendje ta lëvizim avionin deri nesër”, tha zëvendësdrejtori i aeroportit në një konferencë, ndërkohë që po punohet për zbardhjen e shkaqeve të aksidentit.
Presidenti i Korean Air, Woo Kee-hong kërkoi falje për incidentin dhe premtoi "një hetim të plotë" nga autoritetet filipinase dhe koreane. (A2 Televizion)
A2 CNN Livestream
MUND TE LEXONI GJITHASHTU
