Para protestës së 11 shkurtit për skandalin McGonigal dhe disa muaj para zgjedhjeve vendore, kryetari demokrat Sali Berisha ka shtuar takimet me strukturat e partisë.
Kryefjalë e tyre ishte largimi i Edi Ramës nga pushteti. Gjatë bisedës me kandidatët demokratë për zgjedhet e 14 majit, Berisha kërkoi mobilizim për fitore dhe nxjerrjen e Ramës nga skena politike.
Edhe gjatë takimit me gratë demokrate, Sali Berisha bëri thirrje për të shtuar përpjekjet për fitoren e zgjedhjeve vendore. Ashtu si SHBA për skandalin McGonigal, edhe Partia Demokratike, tha Berisha, nuk do t’i ndahet Edi Rama deri në largimin e tij.
Të mërkurën, demokratët kanë thirrur sërish në interpelancë kryeministrin Edi Rama për të dhënë sqarime në lidhje me çështjen McGonigal. Berisha deklaroi se pjesë e këtij skandali është edhe Lulzim Basha që, sipas tij, vijon të heshtë. (A2 Televizion)
A2 CNN Livestream
MUND TE LEXONI GJITHASHTU
