Partizani i jep mundësi për “arratisje” Tiranës, pikë shprese për Kukësin

Partizani ka bërë një tjetër hap të gabuar në Kategorinë Superiore pasi është mundur këtë të premte në transfertë nga Kukësi.

Ndeshja u vendos nga një gol i shënuar nga Taipi në minutën e 22-të të pjesës së parë. Skuadra e Partizanit tentoi të reagonte, të paktën për të gjetur golin e barazimit, por rastet për shënim ishin të pakta.

Në ndeshjen tjetër të kësaj të premteje, Egnatia triumfoi në transfertë 2-3 ndaj Bylisit në Ballsh me 5 golat e realizuar në pjesën e dytë.

Partizani ka mbetur tashmë në kuotën e 37 pikëve, ndërsa Tirana ka mundësi ta çojë diferencën në 6 pikë me vendin e dytë nëse do të fitojë sfidën e së shtunës ndaj Teutës. Me 3 pikët e marra ndaj Partizanit, Kukësi ka shkuar në kuotën e 28 pikëve në vendin e tetë në renditje. (A2 Televizion)