Partia Demokratike denoncoi një tjetër rast të pretenduar prej saj të krimit zgjedhor, të ndodhur në fshatin Podgorie të Korçës.
Drejtuesi i qarkut Korçë të PD, Edmond Spaho, tha se ngjarja ka ndodhur rreth mesnatës së kaluar, ku e ashtuquajtura Strukturë e Mbrojtjes së Votës e ngritur nga PD, kishte ndaluar tre makina të Njësisë Administrative Vreshtas, me rreth 7 punonjës të kësaj njësie.
“Dy prej makinave arritën të largohen, ndërsa makina e tretë, e drejtuari nga administratori i njësisë Administrative Vreshtas, Cezar Bezati, u bllokua”, tha Spaho në deklaratën e tij. “
PD pretendon se pas njoftimit të policisë dhe kërkesës për kontroll të mjetit, në të u gjetën lista e zgjedhësve të fshatit Podgorie, lista e patronazhit të fshatit Podgorie me patronazhist, administratorin Çezar Bezati, si dhe një listë e shkruar me dorë, me emra banorësh të këtij fshati, të cilën, sipas PD, Policia refuzoi ta bëjë publike.
Për ngjarjen reagoi edhe Policia e Maliqit, e cila njoftoi se ka nisur procedim penal, në gjendje të lirë, ndaj 3 personave, simpatizantë të Partisë Demokratike, pasi “në mënyrë të kundërligjshme në fshatin Podgorie, Maliq, i kishin bllokuar rrugën me automjetin e tyre administratorit të Njësisë Administrative Vreshtas, Maliq, i cili udhëtonte me mjetin e tij, me pretendimin se në automjet kishte lekë për të blerë vota”.
“Nga verifikimet e kryera dhe kontrolli i ushtruar nga ana e grupit hetimor dhe shërbimeve të policisë në automjetin e shtetasit Q. B., nuk u gjet asnjë send kompromentues, në lidhje me procesin zgjedhor”, tha Polica. (A2 Televizion)
A2 CNN Livestream
MUND TE LEXONI GJITHASHTU
