Plagosen ushtarët e KFOR në Zveçan, Berisha: Serbomadhi Vuçiç me Kremlinin kërkojnë destabilizimin e Kosovës

Nga A2 CNN
29 Maj 2023, 19:29 | Politikë
Plagosen ushtarët e KFOR në Zveçan, Berisha: Serbomadhi

Ish-kryeministri Sali Berisha ka reaguar në lidhje me sulmet në veri të Kosovës, pas ndërhyrjes së KFOR për shpërndarjen e protestuesve. Në një reagim në Facebook, Berisha akuzon presidentin serb Aleksandër Vuçiç se në bashkëpunim me Kremlinin kërkon destabilizimin e Kosovës.

Reagimi i Berishës në Facebook

Serbomadhi Vuçiç në bashkëpunim me Kremlinin, kërkon destabilizimin e Kosovës.

Të dashur miq, Presidenti i serbomadhisë ka angazhuar fallangat e tij kriminale të dërguara nga Beogradi dhe bandat serbe lokale, në veprime të dhunshme kundër ushtarëve të KFOR-it, gazetarëve dhe policisë së Kosovës që po mbajnë rendin dhe sigurinë në komunat me shumicë serbe në veri të Kosovës.

Gjatë shpërndarjes së protestuesve serbë në këto komuna, ushtarët e KFOR-it janë sulmuar nga kriminelë me maska, me dhjetëra shok-bomba, mjete të forta dhe lëndë të tjera djegëse, shishe molotov, janë dëgjuar dhe të shtëna me armë.

Gazetarët e Radios “Evropa e Lirë” kanë njoftuar se janë parë disa ushtarë të plagosur të KFOR-it dhe një veturë e këtyre njësive duke u djegur nga mjetet shpërthyese që janë hedhur. Ndërkaq, gazetarët në Zveçan raportojnë se një pjesë e madhe e protestuesve serbë janë shpërndarë pas ndërhyrjes së KFOR-it.

Dënoj me ashpërsinë më të madhe këtë skenar të bashkrenduar të Beogradit me Kremlinin, sulmet kriminale të fallangave të gangsterëve serb kundër KFOR-it, ushtarëve të tij, gazetarëve dhe policisë së Kosovës. #sb (A2 Televizion)

A2 CNN Livestream

Latest Videos