Maria Licciardi, e konsideruar si drejtuesja e klanit Licciardi, është vënë në pranga në aeroportin e Romës, pasi ishte gati të fluturonte për në Spanjë.
Karabinierët u afruan drejt Licciardi-t teksa ajo ishte gati të dorëzonte bagazhet. Ata i njoftuan urdhrin e ndalimit nga Prokuroria e Napolit dhe më pas i vunë prangat.
Maria Licciardi konsiderohet edhe si e para shefe femër e Kamorrës. Ajo ka lindur më 24 mars 1951 në Secondigliano dhe është një kriminele e famshme italiane e lidhur me Kamorrën dhe ish-kryetare e klanit Licciardi, me bazë në lagjet Secondigliano në veri të Napolit.
Gjithë familja e saj i përkiste Kamorrës. Babai i saj ishte shefi lokal. Një nga vëllezërit e saj, Gennaro Licciardi i njohur si “a Scigna “(Majmuni) ishte shef shumë i fuqishëm, i cili më vonë u bë kreu i klanit dhe anëtar themelues i Aleancës Secondigliano, një koalicion i klaneve të fuqishme të Kamorrës që kontrollonin trafikun e drogës në shumë periferi të Napolit. Gennaro vdiq nga helmimi i gjakut më 3 gusht, 1994. Burri i Marias, Antonio Teghemié ishte gjithashtu një kamorrist. (A2 Televizion)
A2 CNN Livestream
MUND TE LEXONI GJITHASHTU
