Një ngjarje e rëndë ka ndodhur në Bristol të Britanisë së Madhe, ku një grua ka plagosur rëndë një 12-vjeçar, të cilin e goditi në ballë me një lopatë varke, për arsye se, disa djem, mes të cilëve edhe 12-vjeçari, hodhën gurë, teksa ajo ishte në varkë më fëmijët e saj.
Fay Johnson, 32 vjeç, pranoi akuzën për sulm duke shkaktuar lëndime trupore ndaj Antwon Forrest, i cili pësoi një çarje të thellë në ballë nga goditja me lopatë.
Në gjykatë Johnson është parë duke qarë gjatë gjithë seancës, ndërsa u shpreh se ndihet e turpëruar, e dëshpëruar dhe e penduar për veprimin e kryer.
Megjithatë, ajo u justifikua nëpërmjet avokates së saj se, veprimi në fjalë erdhi si pasojë e instinktit mbrojtës së nënës, pasi vajza e saj u godit nga gurët dhe topat e baltës që po hidhte 12-vjeçari dhe fëmijët e tjerë. (A2 Televizion)
A2 CNN Livestream
MUND TE LEXONI GJITHASHTU
