Ishte ende i veshur me shalën e tij prej lëkure dhe bronci, gati për të shërbyer pronarin e tij në fushë betejë. Por iu deshën 1939 vjet për të dalë në dritën e diellit, i mbuluar nga llava që mbuloi atë dhe qytetin romak të Pompei në vitin 79.
Arkeologët e Parkut Kombëtar të Pompei në Itali, kanë deklaruar zbulimin e bujshëm të një stalle ku gjenden format e ngurta të tre kuajsh, ku vetëm i pari është analizuar dhe në gjendje optimale. Kali, që me shumë gjasa i përkiste një gjenerali romak ende jo i përcaktuar, ishte i një race nga më të fismet të kohës, dhe dukej gati për të kalëruar kur u mbulua me mijëra vite nga balta dhe llava e Vezuvit.
Gërmimet që nxorën në pah kalin filluan në mars të këtij viti, në tentativën për të bllokuar trafikantët e gjetjeve historike që shesin artefaktet në tregun e zi.
Stalla ku gjenden kuajt bën pjesë të një vile aristokratike shumë e mirëmbajtur, e cila premton surpriza të mëtejshme në muajt në vijim. (A2 Televizion)
A2 CNN Livestream
MUND TE LEXONI GJITHASHTU
