Është mjaft e lehtë të arrihet higjiena për njerëzit që jetojnë në vitet moderne. Por, nuk ishte kështu kohë më parë. Në mesjetë, klasa e ulët rrallë bënte banjë, madje edhe kur laheshin, e gjithë familja përdorte të njëjtin ujë.
Plehu i krokodilit për kontrollin e lindjes
Në Egjiptin e lashtë, gratë përdornin plehun e krokodilit për kontrollin e lindjes. Disa fakte që datojnë që nga viti 1850 tregonin gratë që merrnin pleh krokodili, duke i kthyer në fishekë të vegjël dhe duke e vendosur brenda vaginës.
Lyerja e fytyrës me të bardhë
Si një modë që filloi me Elizabeta I në Angli; femrat i lyenin fytyrat e tyre të bardha, pavarësisht nga ngjyra e lëkurës. Megjithatë, ky grim përmbante një bollëk plumbi, i cili e helmonte personin.
Veshja e të njëjtave rroba gjatë gjithë vitit
Moda në shekullin e 19-të nuk ishte edhe aq e zhvilluar. Vetëm klasa e lartë kishte një veshje të ndryshme për çdo ditë. Pjesa tjetër e shoqërisë duhej të kënaqej me një veshje gjatë gjithë vitit dhe po i njëjti rregull zbatohej edhe për të brendshmet.
Letra higjienike u përdor për herë të parë nga kinezët
Kinezët ishin të parët që përdorën letër higjienike, por ajo nuk u përhap në mbarë botën deri në vitin 1857. Përpara kësaj date, shumica e njerëzve përdornin gjethe, lecka të thata, lecka të lagura të ngjitura në shkopinj, apo edhe duart e tyre.
Stilimi i flokëve nga femrat në vitet 1920
Në vitet 1920, nuk kishte ende shufra për kaçurrela. Gratë i bënin vetë hekurat e tyre për kaçurrela duke përdorur boshtet e rrumbullakëta hekuri me doreza druri të ngrohura mbi qymyr. Nuk kishte kontroll të temperaturës në këtë metodë dhe për këtë arsye flokët e grave digjeshin shpesh. Përveç erës së flokëve të djegur, femrat që kishin pamjen që dëshironin, nuk i lanin për ditë të tëra.
Larja e fytyrës me urinë si sekret i rinisë
Gratë fisnike të shekullit të 17-të lanë fytyrat e tyre me urinë për të ruajtur rininë e tyre dhe për të përfituar nga vetitë e saj antiseptike.
Truri i ngrirë i miut në vend të pastës së dhëmbëve
Në kohën romake, njerëzit përdornin trurin e miut të grirë në vend të pastës së dhëmbëve. Po kështu, ndërsa egjiptianët përdornin piper të grimcuar dhe kripë.
Nxirja e dhëmbëve për të treguar pjekuri e qytetërim
Një trend i vjetër bukurie që sot nuk ka kuptim është nxirja e dhëmbëve. Tradita ishte e zakonshme në kulturat japoneze dhe vietnameze, dhe dhëmbët e zinj besohej të ishin një simbol i pjekurisë dhe qytetërimit. Procesi përfshin përdorimin e një përzierje kimikatesh për të gërryer smaltin e dhëmbëve dhe për t'u dhënë atyre një pamje të zezë me shkëlqim. Ndërsa kimikatet mbronin teknikisht dhëmbët nga prishja, ato gjithashtu shkaktuan dëme serioze të pakthyeshme. (A2 Televizion)
A2 CNN Livestream
MUND TE LEXONI GJITHASHTU
