Të dielën në darkë, presidenti Christian Kabore përgëzonte në Twitter Kombëtaren e tij, që realizonte ëndrrën e kalimit në çerekfinale të Kupës së Afrikës me fitoren kundër Gabonit.
Por sot lajmet janë që presidenti i Burkina Fasos është arrestuar nga një grusht shteti i organizuar nga pjesë e ushtrisë, ngjarje që po trondit vendin e Afrikës Perëndimore.
Presidenti i Burkina Fasos Christian Kabore është arrestuar nga një grusht shteti i organizuar nga pjesë e ushtrisë 
Të dielën në darkë, presidenti përgëzonte në Twitter Kombëtaren e tij, që realizonte ëndrrën e kalimit në çerekfinale të Kupës së Afrikës me fitoren kundër Gabonit 
Grushti i shtetit duket i organizuar nga pjesë e ushtrisë 
Kryeqyteti Uagadugu është rrethuar nga ushtarë, teksa pamjet tregojnë edhe makinën presidenciale të goditur nga breshëri armësh 
Fati i presidentit afrikan ishte vënë në dyshim qysh nga ditët e kaluara, kur një tentativë puçi ishte shmangur me arrestimin e 15 personave 
Ushtarakët kanë protestuar prej muajsh, duke akuzuar qeverinë për financime të pakta, si dhe për një politikë të dobët ndaj forcave xhihadiste që veprojnë në veri të vendit 
Në nëntor 43 persona u vranë nga sulmet e grupeve afër organizatës Al Qaeda 
Vendndodhja e Burkina Faso 
Informacionet nuk janë të shumta, por dihet se kryeqyteti Uagadugu është rrethuar nga ushtarë, teksa pamjet tregojnë edhe makinën presidenciale të goditur nga breshëri armësh. Fati i presidentit afrikan ishte vënë në dyshim qysh nga ditët e kaluara, kur një tentativë puçi ishte shmangur me arrestimin e 15 personave, ndër të cilët komandanti i forcave të armatosura në perëndim të vendit, Emmanuel Zoungrana.
Ushtarakët kanë protestuar prej muajsh, duke akuzuar qeverinë për financime të pakta dhe mungesën e rrogave mujore, si dhe për një politikë të dobët ndaj forcave xhihadiste që veprojnë në veri të vendit, ku në nëntor 43 persona u vranë nga sulmet e grupeve afër organizatës Al Qaeda. (A2 Televizion)
A2 CNN Livestream
MUND TE LEXONI GJITHASHTU
