Në mbledhjen e Këshillit të Integrimit Kombëtar, deputeti socialist Taulant Balla u shpreh se Komisioni me anë të progres-raportit të fundit, konfirmoi edhe njëherë se Shqipëria i ka përmbushur të gjitha kushtet.
Balla shtoi se shpreson se konferenca e parë ndërqeveritare, do të mbahet brenda muajit dhjetor.
“Nëse rikujtojmë raportin e vitit 2020, Komisioni shprehej qartë për përmbushjen e të gjitha kushteve dhe hapjen e konferencë së parë ndërqeveritare. Unë shpresoj që kjo konferencë ndërqeveritare të mbahet brenda Krishtlindjeve. I takon Bashkimit Europian që të mbajë fjalën. Ajo që ndryshon nga raporti i vitit 2020 është konteksti në të cilën Shqipërisë i është dashur të ecë përpara në reformat e thella, të kërkuara nga Bashkimi Europian. Nuk duhet të harrojmë sfidat e pandemisë. Rezultatet janë të dukshme dhe vullnet i kësaj mazhorance është i palëkundur”, deklaroi Balla. (A2 Televizion)
A2 CNN Livestream
MUND TE LEXONI GJITHASHTU
