Partia Demokratike depozitoi në Gjykatën Kushtetuese një padi ndaj asaj që e cilëson si aferën e Portit të Durrësit. Nënkryetari Oerd Bylykbashi, njëherësh deputet i qytetit bregdetar, deklaroi se PD-ja kërkon nga Kushtetuesja të mos lejojë grabitjen e një pasurie publike, që sipas tij, i jepet kompanive offshore të lidhura me pushtetarët.
“PD depozitoi sot në Gjykatën Kushtetuese padinë kundër aferës më të madhe korruptive në historinë e Shqipërisë që është ajo e Portit të Durrësit. Një aferë e gatuar në fshehtësi jo thjesht me mungesë transparence, por e bërë qëllimisht sepse një grabitje e tillë e pasurisë publike për interesa private, marrja e pronës qytetarëve jo thjesht të Durrësit, por gjithë Shqipërisë. Porti i Durrësit, dhënia për interesa përfitimi privat nën petkun e investitorit strategjik me kompani offshore, ne e godasim në Gjykatën Kushtetuese. Shpresojmë që Gjykata Kushtetuese do të qëndrojë në nivelin e asaj që pritet prej saj dhe të bëjë detyrën e saj, të mbrojë interesin publik dhe jo në mbrojtje të interesave të kryeministrit. Dhënia me koncensione individësh e kompanish pa marrë parasysh kërkesën e kushtetutës e ligjit që të jenë të gjithë të barabartë para ligjit dhe mundësive ekonomike, këtë mund ta bëjë vetëm një individ që ka centralizuar të gjitha pushtetet Edi Rama”. (A2 Televizion)
A2 CNN Livestream
MUND TE LEXONI GJITHASHTU
