Departamenti Amerikan i Drejtësisë po shqyrton përfshirjen e dyshuar të Donald Trump në përmbysjen e rezultatit të zgjedhjeve të 2020-s. Raportimet vijnë nga mediat amerikane që shkruajnë se prokurorët federalë kanë marrë në pyetje dëshmitarë që kanë lidhje të drejtpërdrejtë me ish-presidentin e Shteteve të Bashkuara.
Megjithatë, deri më tani kanë zgjedhur që të mos hapin një hetim zyrtar penal ndaj Trump për rolin e tij në trazirat e 6 janarit të kaluar. Në atë ditë, mbështetës të shumtë të tij pushtuan me dhunë Kapitolin amerikan, në një përpjekje për të përmbysur humbjen në zgjedhjet presidenciale. Trump i mbështeti publikisht personat që sulmuan ndërtesën, por mohon të ketë bërë diçka në shkelje me ligjin.
Ndërkohë, në një komision hetimor të ngritur nga Kongresi, dëshmitarët pohuan se ish-presidenti pa trazirat e vitit të kaluar në Kapitol në një televizor në Shtëpinë e Bardhë, duke injoruar fëmijët dhe ndihmësit e tij që “e lutën” të largonte turmën.
Trump duket se ende se ka pranuar realitetin, pasi në tubimin e fundit tha se garoi dy herë për president dhe se triumfoi dy herë. Gjithashtu, konfirmoi kandidaturën për zgjedhjet e vitit 2024. (A2 Televizion)
A2 CNN Livestream
MUND TE LEXONI GJITHASHTU
